«Айыыл чок болгаш шынарлыг оруктар» национал тѳлевилел ёзугаар республиканың девискээринге орук-септелге сезонунуӊ хемчеглерин эгелээринге белен
Тыва Республиканыӊ Орук-транспорт яамызыныӊ дыӊнадыы-биле чаӊчыл ёзугаар апрель айда агаар-бойдустуӊ таарымчалыг байдалы тургустунарга орук септелге ажылдары эгелээр.
Септелге ажылдарынга чуртка бүдүрген кылыгларны ажыглап, грейдерлер, чууктаар дериг-херексел, фрезалар, асфальт салыр машина, экскваторлар болгаш ѳске-даа орук септелгезинге чугула херек техникаларны ажыглаары кѳрдүнген.
“Орук салырда, чуртка бүдүрген ЩМА-16, А16 ВН маркалыг асфальбетон холуксааларны ГОСТ негелдезинге дүүштүр ажыглаар. Холуксааларда аӊгы-аӊгы хевирниӊ үүрмектээн даштарлыг, дыка сырый, быжыг материалдар холумактыг болганы-биле белен элевес, шынарлыг оруктуӊ бедик деӊнелин хандырып турар” деп яамы демдеглеп турар.
Амгы үеде ажылды чорудар тала-биле керээни чарган, материалдарны четчелеп белеткээн, кыжын түр када ажылдавайн турган асфальт-бетон заводу ажылын эгелей берген.
